Xalqaro Nordik universiteti 2022-yilning 8-avgustida №034528 raqamli litsenziyasi asosida o‘z faoliyatini boshlagan! Nordik universiteti dunyoda yetakchi fin kompaniyalari bilan strategik hamkorlikda ochilgan. Kareliya amaliy fanlar universiteti, "Nokia" transmilliy korporatsiyasi, “ISKU” kompaniyasi, “Helsingin Suomalainen Yhteiskoulu (SYK)” umumta'lim maktabi, Solar Finland va Finnish Water Forum kabi o‘nlab fin kompaniyalari bilan rasmiy hamkorlikda faoliyat yuritmoqda. Xalqaro Nordik universiteti xalqaro imkoniyatlarga katta yo‘l ochib, kunduzgi va sirtqi ta’lim talabalari uchun yozgi ta’tilda "Work and travel" dasturi asosida Finlandiyada ish va sayohatni amalga oshirish bo‘yicha kelishuvlarni imzolagan. Finlandiyadagi 1000 talikka kirgan Kareliya UAS bilan qo‘shma dastur asosida “Xalqaro biznes” va “Sanoatni boshqarish” yo‘nalishlarida xalqaro mutaxassislar tayyorlash yo‘lga qo‘yilgan. Bu talabalarga Finlandiyada ta’lim olish va xalqaro diplom (double degree ) olish imkoniyatini taqdim etadi. Nordik universitetiga o‘qishga kirib, talaba almashish dasturi (exchange) asosida Finlandiya, Italiya, Amerika, va Koreya kabi rivojlangan davlatlarda ta'lim olish mumkin. Bakalavriat va magistraturada Italiyaning dunyodagi 1400 ta universitet ro‘yxatida 457-o‘rinda turuvchi Trento universitetida o‘qish imkoniyati mavjud. Hozirda Amerikaning Rowan universiteti bilan ham qo’shma dasturlar borasida kelishuvlarga erishilmoqda.